اساسيات الامتحان عشان محدش يسئل فيها تاني

أولا:محدش يكتب زي الكتاب بالظبت يريت كل واحد يعمل تلخيص لنفسه من الكتاب

ثانين:منكتبش زي ما الدكتور بيئول الا لو الدكتور أكد علي حاجه معينه أو أدا سئال وئلكم جوبوا عليه كده

ثالثا:محدش يحفظ التوريخ لانك لو مكتبتهاش في الامتحان مش هتنئصك بس لو كتبتها هتتحاسب عليها لو غلط هتنئصك لو صح مش هتزودك

رابعا:محدش يكتب رقم المواد ورقم القانون مثلا <ماده رقم 131 من قانون كذا> بردك لو مكتبتهاش مش هتنئصك بس لو كتبتها هتتحاسب عليها لو غلط وهتنئصك بس لو صح مش هتزودك


يارب نفهم ويريت كل واحد يسئل الدكتور بتاعه ويتاكد من الكلام ده صح ولا غلط

ويريت الي يعرف حاجه من الدكتره أو يكون عندوا علم بيها ئبل كده يبئا يئلنا


سمعوني أحلا سلام بحبك يا مصر
 

[ندعوك للتسجيل في المنتدى أو التعريف بنفسك لمعاينة هذه الصورة] بحبك يا مصر وبلدى

هههه

لا بجد نصائح جامدة موت برفو

شكرا يا بيج بوص و أكيد موضوعاتك الجيه هتكون أحسن مني

عاش اللى كتب الكلمتين دول

أولا: نقطة ان ماحدش يكتب زى الكتاب بالظبط دى انا مش موافقك فيها لان فى مواد

بتحتاج انك تكتب زى الكتاب بالظبط خد مثلا عندك على سبيل المثال الفقه وأصوله.

وفى مواد أساسى لازم تتلخص عشان انت لو ذاكرتها زى الكتاب يبقا انت بتضيع وقتك

زى قضايا وتشريع وتاريخ قانون .

يبقى موضوع التلخيص من عدمه يرجع الى الماده المطروحه.

ثانيا:ليه ماتكتبش زى الدكتور مابيقول مع العلم ان اغلب الدكاتره بتقول انا

عايز اشوف اللى بقوله ده فى ورقة الامتحان والدكتور بيكون سعيد جدا لما يشوف

طالب كلام هوا قايله ومش موجود فى الكتب _ تيجى فى ورقة الاجابة وتقوم كاتب وقال

الدكتور ... هيديك امتياز وش _ ... يبقى ايه فايدة الحضور فى كلية

نظريه... نقعد فى بيوتنا ونجيب الكتب ونذاكر فى البيت احسن...

ثالثا: اتفق معاك تماما فى موضوع التواريخ ده ... لو متأكد من تاريخ ميه فى الميه

اكتبه ولو شاكك واحد فى الميه بس اوعى تكتبه.

رابعا: ده بروتوكول فى الكليه ان الطالب غير ملزم بحفظ اى ماده من مواد القانون

...افهم معنى الماده وعبر عنها براحتك.

اعتذر على الاطاله ويارب أكون أفدت وتحت أمرك فى أى توضيح.


تحياتى

شكرا يا كبير علي اضفتك للموضوع وهحاول أني أعدل بعض الكلام علي حسب رئيك بس بعد مناس تئول رئيها شويه عشان ناخد الاراء كلها

ويريت نئراك ردودك في كل الموضوعات بتعتنا وتكون مفيدا لينا

شكرااااااااااا جدا

الف شكر يا باشا

لا شكر يا جماعه ويريت تسمعونا صوتكم في بائي الموضوعات

انا بقا عايز اعرف انا حضورى ضرورى اصلى بزور الكليه كل سنه مره مش عارف هل ده صح ولا غلط ممكن الرد عليا ويكون من غير توبيخ

مش شرط أنك تحضر بس تابع حد من صحابك بيكون بيحضر عشان في دكاتره بيدوا أسئله مهمه وبيئولوا أنها هتيجي في الامتحانات

وئبل كده ئبلت ناس من سنه تانيه شريعه وقانون ومكنوش بيحضروا ونجحوا بس نجحوا علي الحرقرق بس لو عايز تجيب مجموع حلوا لازم تحضر

ومع التوفيق ليك بالنجاح سواء حضرت أو لا وأنا من الاسبوع الجي هحضر كل يوم ولو الدكتره ئالوا حاجه مهما هئبا أعرفهلكم

ويريت نسمع أسئلتك علي طول

شكرا للاستاذ محمد لاضافتة للموضوع وموضع يتسحق التميز ورد متميز لعضو متميز

أنا متميز عشان لائي الناس اللي حوليه متميزين بل أحسن من التميز فبحاول أجريهم

وشكرا ليك علي المنتدا الجميل ده

شغل جامد موت وبرفو عليك استمر ياريت وكلنا بنستفاد منك

مى كتب:

شغل جامد موت وبرفو عليك استمر ياريت وكلنا بنستفاد منك

يا خرابي علي الحلاوه يا خرابي علي الطعامه شوفوا خط كتابه موضوعها عامل أزاي
ياني ياني

ونبي لو حد يعرفها يسئلها بتجيب الحلاوه بتعتها ديه أزاي أرجوكم أرجوكم

رؤى كتب:

أولا:محدش يكتب زي الكتاب بالظبت يريت كل واحد يعمل تلخيص لنفسه من الكتاب

الأفضل انك تكتب زي الكتاب علشان التقدير ولو مش تعرف تبقى تكتب بأسلوبك ويدون اخلال او تغير للمعنى

وحكايه التلاخيص والملازم والحاجات دي فأنا مش بحبها

اكتب في الكتاب اللي انت عاوزه واعمل عناوين واسئله وعلم براحتك

ولو لازم تلخص يبقى بدون اخلال

ثانين:منكتبش زي ما الدكتور بيئول الا لو الدكتور أكد علي حاجه معينه أو أدا سئال وئلكم جوبوا عليه كده لازم تكتب زي الدكتور ما بيقول علشان يعرف انك بتحضر
وكمان في حاجات الدكتور ممكن يوضحها أثناء الشرح

وأكيد اللي مش بيحضر زي اللي بيحضر

والباقي لا خلاف عليه

شكرا ليكي يا كبيره يا ريت نسمع صوتك تاني وكتير عشان نتعلم ونتئدم