فرمت قلبك....

فكرت تفرمت قلبك قبل كده ؟؟

أفرمت قلبي ؟! [ندعوك للتسجيل في المنتدى أو التعريف بنفسك لمعاينة هذه الصورة]

آه ..

مش لما يكون في مشكلة في الجهاز بتفرمته وبيرجع تاني فاضي زي أول يوم جبته فيه
بس أنا لما جبته مكنش فاضي ..

يا رايق .. عوزين نتكلم بجد .. يعني مكنش فيه فيروسات .. ولا ملفات تتقله ولا برامج مبتستخدمهاش ولا أي حاجة ملهاش لازمة
طيب ده الجهاز .. قلبي ماله بقى؟؟!

بردو أحنا قلوبنا محتاجة تتفرمت

خليك صادق مع نفسك

.. قلبك في كام حاجة ملهاش لزمة .. بل فيه كام حاجة متقلاه .. فيه كام أغنية , فيه كام فيلم . فيه كام بنت , فيه كام موقع , فيه كام ..

طيب قلب بالشكل ده هل ممكن نلاقي فيه مساحة فاضيه عشان نحط فيها حب الله؟؟

حب الله ؟! حب الله نحطه في المساحة الفاضية ؟؟! انتا بتقول إيه ؟؟[ندعوك للتسجيل في المنتدى أو التعريف بنفسك لمعاينة هذه الصورة]

مش قلنا خليك صادق .. مش هو ده الواقع .. مش انتا اللي وصلت قلبك للحاله دي ..[ندعوك للتسجيل في المنتدى أو التعريف بنفسك لمعاينة هذه الصورة]

لما صاحبتك ترن عليك عشان تنزلها
.. وفي نفس الوقت لما المؤذن يقول حي على الصلاة عشان تقابل ربك .. بتستجيب لمين ؟؟

طيب لو بيلموا تبرعات للمسجد وانتا ممعكش غير حق تذكرة السينما .. بتدفعها فين ؟؟

طيب أنت سعيد بحياتك ؟؟

سعيد باصحابك وصحباتك والخروجات والفسح و الأغني و...

طيب حتى لو عشت اللحظة وقضيت وقت جميل .. بعدها بيكون حالك إيه ؟؟
ربنا قال (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)

مش بتحس بخنقة وكآبة وأي حد يكلمك تتعصب عليه ؟؟

مش اللي بتبات فيه بتصحى فيه ؟؟

ومشاكل كتير مع أهلك ومع الناس مش لاقي لها حل ..
خايف من المستقبل ..
وهتتجوز ازاي ؟؟

وهتصرف منين ؟؟

هي دي عيشة ؟؟!

هي دي حياة ؟؟!

إيه اللي مصبرك على الوضع ده ؟؟

مفكرتش تغير حياتك ؟؟

مفكرتش تعيشها صح ؟؟

مفكرتش تعيشها لله ؟؟

بس .. دي مش سكتي .. مقدرش أعيش من غير أغاني ؟؟ ازاي أسيب أصحابي ؟؟ [ندعوك للتسجيل في المنتدى أو التعريف بنفسك لمعاينة هذه الصورة] ازاي .. [ندعوك للتسجيل في المنتدى أو التعريف بنفسك لمعاينة هذه الصورة]

تفتكر إيه اللي ممكن يصبر الملتزمين على عيشتهم لو كانت لا تطاق

.. هما لو مش لقيوا السعادة في طريق ربنا أكيد كانوا تركوه من زمان !!

يعني هو ايه اللي يخليه ميسمعش أغاني ؟؟

أكيد وجد الأجمل منها

ليه ترك الحب الحرام ؟؟((مش الحب الحقيقى الحب الحرام بقن [ندعوك للتسجيل في المنتدى أو التعريف بنفسك لمعاينة هذه الصورة]
))
أكيد وجد حب الله

ياااه حب الله .. جربت قبل كده تفرمت قلبك ومتحملش عليه غير حب الله

.. جربت ان قلبك ميكنش فيه غير حب الله .. مفيش حب دنيا ولا ناس ولا أي حاجة غير حب الله ..

تصحى من النوم مفيش على لسانك غير ذكر الله

.. تجري على المسجد عشان تقابل حبيبك .. الإمام يسلم تقوم بسرعة تصلي السنة .. تخلص

صلاة تجري تدور على أي مصحف عشان تقرأ كلام حبيبك .. مش عاوز تخلص عاوز تختمه في

قاعده واحده .. مبقتش عاوز تسمع كلام غير كلام الله .. مش عاوز تكلم حد غير ربنا .. في كل

مكان حاسس ان ربنا قريب منك

.. والله نفسي بس .. أنا حاسس ان ربنا مش هيقبلني .. [ندعوك للتسجيل في المنتدى أو التعريف بنفسك لمعاينة هذه الصورة]
مش هيقبلك ! [ندعوك للتسجيل في المنتدى أو التعريف بنفسك لمعاينة هذه الصورة]
ربنا .. أزاي تقول كده .. هو في حد أرحم بك منه .. صحيح زنوبنا كبيرة [ندعوك للتسجيل في المنتدى أو التعريف بنفسك لمعاينة هذه الصورة] .. لاكن رحمته أكبر هو القائل (وَرَحْمَتِى وَسِعَتْ كُلَّ شَيءٍ) [ندعوك للتسجيل في المنتدى أو التعريف بنفسك لمعاينة هذه الصورة]

مش بس يرحمك .. وكمان يدافع عنك

ربنا قال في الحديث القدسي : (من عادى لي وليا فقد آذنته بالحرب) عارف يعني إيه .. يعني ربنا هو اللي هيدافع عنك ..

أنا ؟! [ندعوك للتسجيل في المنتدى أو التعريف بنفسك لمعاينة هذه الصورة]

آه عنك أنتا لو رجعتله بجد وكنت من أوليائه .. ياااه تخيل لما ربنا يدافع عنك .. مين يقدر يقف في طريقك ؟؟

ممكن تخاف من حد وأنتا مع الله ؟!

ده أنتا لو في حماية مسؤل ولا ملك من ملوك الدنيا هتمشي كده بقلب جامد ومحدش يقدر يكلمك .. فما بالك لو كنت في حماية الله .. ايه اللي ممكن تخاف منه ..

افتح معايا المصحف على سورة هود (الآية 55) شوف سيدنا هود من ثقته في الله بيقول للكفار إيه (فكيدوني جميعا ثم لا تنظرون)

فكيدوني ؟؟! بالسهوله دي .. ده حتى مقلش فكدني .. ده قال فكيدوني جميعا .. وبعدين خلي بالك .. دول كفار وممكن يعملوا فيه أي حاجة ..

ياربي جاب الثقة دي منين ؟! [ندعوك للتسجيل في المنتدى أو التعريف بنفسك لمعاينة هذه الصورة]

شوف الآية اللي بعدها بيقول إيه: (اني توكلت على الله ربي وربكم)

هي دي .. لما توكل على حد توكل على الله ربه وربهم ورب كل شيء .. توكل على القوي القادر على انه ينصروا عليهم وعلى الدنيا كلها ..
توكل على الملك الذي بيده كل شيء ..

بيده عربيات الدنيا وقصورها وبترولها ..

بيده قلوب الناس .. قادر انه يخلي طوب الأرض يحبك

ياااه لو عرفناه وعرفنا قدرته .. مكناش خرجنا من بيته .. مكناش سبنا كتابة .. لساننا مكنش سكت لحظة عن ذكره

وبرتوا كنا اجتهدنا فى عملنا ووفقنا فيه ويرفعنا فيه

كنا سعتها عرفنا ليه الصحابة كانوا عوزين يعيشوها صلاة وصوم لولا إن رسول الله عليه الصلاة والسلام نهاهم
صور فرمت قلبك

مش هطول عليك بس هقولك :

أنت دلوئتي قدامك الفرصة .. باب التوبة مفتوح

لكن لو مت وقلت رَبِّ ارْجِعُونِ .. هيقولك كَلَّا ..

ليه دايما كلنا كته نقول لسه بدرى علينا
يا سيدى لسه بدرى لما نحب ونصيع حبتين فى شبابنا ولما نعجز نبقى نصلى ونصوم: [ندعوك للتسجيل في المنتدى أو التعريف بنفسك لمعاينة هذه الصورة]

انت شايف كته فعلا

ولما تموت نقول ياريت الى جرى ماكان بس لو ربنا يرجعنا هدنى اصلى واصوم طول عمرى

واحنا التوبه مفتحولنا وكل شى بايدينا وربنا مش طالب منك غير صلاه يعنى 5 دقايق ولا 3 دقايق من وقتك كل ساعه وهما 5 صلاوات فى اليوم

ولو زودت كرمك اوى تقرأ ولو 3 صفحات قران على الاقل

بدل قعادك على النت وبتقرأ ب 10000000 صفحه وبفرحه كمان

وبتسمع الاغانى وبتحفظها لو حبيت كمان

ياريت الكل يفرمط قلبه ويكون صافى من جواه وصدقنى لو مشيت

ورا ربك هو الى هينفعك الدنيا والاخره كمان

موضوع متيمز حقا ومرسى ليكى رؤى

بجد كلامك جميل اوي

واكتر من رائع

كلمات بسيطة وسهلة بتغير قلوب

مشكوووووووووورة بجد

فعلا المنتدى من غيرك لا يسوى

بس مش اوي يعني

عشان ما حدش يزعل

جميل يا جميل

[ندعوك للتسجيل في المنتدى أو التعريف بنفسك لمعاينة هذه الصورة]

اشكركم على المرور

نورتو الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

» لا تستغرب اذا بحثت عن قلبك و لم تجده