هو ايه النظام

سلام عليكم ورحمة الله وبركاته


عندي سؤال

انا كنت بتصفح موقعكم المحترم جدا

ولئيته مليان بصور الحريم المتبرجات بشعورهم وصدورهم

هوا في ايه

مش ده موقع طلاب كلية الشريعة جامعة الازهر الشريف

واللا انا اللي غلطان

سعادة الشبح المحترم بعد اذنك حط قانون يمنع صور البنات دي عشان ده بجد ميصحش خالص

واتمنى استفيد منكم في المنتدى الجامد ده

بس بصراحة المنظر معجبنيش خالص

تحياتي وخالص دعواتي

اولا صور بنات اية ا صلا المنتدى البنات فية هما 5 وبعدين انا مش شوفت اعضاء حطين صور مخلة خالص

سين سؤال؟

ياعني ايه مخله عند حدرتك عشان اكون فاهم بس؟؟؟

واعرف ارد على حدرتك؟؟؟

طيب انا هقولكم حاجة حلوة صور جنات ومى صور شخصية ومعنى الصور المخلة عندى زاى مابيقول الشرع وكمان حكاية الحجاب اللى عايز يكون محجب هو حر انا مش هقدر افرض الحجاب على الناس اما على صور جنات انا شايف ان وشها هو اللى ظاهر فين المخل هنا ياريت نفهم شوية

وحكاية احنا رامز للازهر انا مش عايز نكبر المسالة كدة بس لازم نسيب الطرف الاخر على راحتة لن الطرف الاخر عارف الصح

وكمان احنا مش ينقدم صور مخالة يعنى العضوة هى حطة صورة لوشها هى حرة دية كلامى

حيا الله الأخ اكرم والاخ المدير الشبح

اولا: موضوع الحرية الشخصية هذه اصبح لبانة في كل فم وحجة على على كل لسان

وما أتت إلينا هذه المقولة اللعينة إلى من العلمانيين الذين شتموا رسول الله وقالوا حرية تعبير

والذين جرموا الختان وقالوا حرية المرأة

والذين أحلوا اللواط وقالوا حرية الرجل

والذين طالبوا بان تكون المرأة قاضية وحاكمة بل ورئيسة وقريبا تصعد منبر الجمعة ان شاء الله قالوا الحرية

والذين احتلوا العراق باسم تحرير العراق من صدام

والذين احتلوا افغانستان لتحرير العالم من الارهاب

والذين يطالبون بتقسيم السودان ويقولون حرية الجنوب

ألا لعنة الله على الكافرين

ألا لعنة الله على الظالمين


أما بالنسية للصور فهذا موضوع آخر

أخي الكريم الشبح

لما كل واحد يقول انا مالي

لما كل واحد يقول عادي

ولما كل واحد يقول مأدرشي


يبقى احسن له ينضم لفريقه الحقيقي ولا يتمسح في فرق أخرى

ولا ينتسب للازهر ولا لغيره

بل ينتسب إلى ما يدعوا له

يذهب إلى منتديات الصياعة التي لا حصر لها

ويضع بها ما يشاء من الصور

أما أن ينسب إلى الأزهر

ويدخل الناس من أنحاء العالم ليقولو هؤلاء طلبة أقوى كلية شرعية في الأزهر !!!!!!! ا

ولما يكون مدير زي حدرتك يقول كده .....لا تعليق

وأنا والله يشهد على ما أقول ما أبغي الا الاصلاح ما استطعت

ولكن

حقا ليس هكذا يكون طلبة كل الشريعة جامعة الازهر الشريف

وليس هذا يرضي رسول الله

فضلا عن أن يرضي أحدا ممن آتاه الله علما أو دينا

فأذكر نفسي وأخواني بتقوى الله

وليعلم كل واحد أن الاعتراف بالخطأ يهدم الذنب ويطفئ غضب الرب

كما تطفئ الماء النار

أما التمادي في الخطأ والمكابرة على الاستجابة لكلمة الله

فهذا ما عرفناه في ديننا إلا مذموما وعلى لسان نبينا مشؤما ومن رحمة ربنا مطرودا

إلا أن يشاء ربي شيئا


والسلام عليكم ورحمة الله وبركاته

يا اخى القادم

والله انت كبرت الموضوع اوى اوى
انا بس بقول ان الصور مش فاحشة

وعايز اقولك حاجة حكاية جميع طلاب الازهر ياريت تعمل معادلة وتشوف كام طالب ازهرى بيفهم فى النت اصلا

بس انا مش بحب ازعل حد براى ولكن صدقنى انا فاهم كويس الحرية ومش لى دعوة بغيرى

طيب أقولك شيء أخير

أخطأ من جعلك مديرا لمثل هذا المنتدى

الذي المفروض انه في كلية الشريعة جامعة الازهر

انا ما كبرتش الموضوع خالص

لكن انت اللي شايفه صغير اوي

على العموم دي حريتك في منتداك

لكن غير الاسم احسن

وكنت عايز اسال سؤال أخير؟

انت عامل المنتدى ليه أصلا

طلاما الازاهرة مش بيفهمو في النت

وانت الوحيد اللي بتفهم انت واللي معاك

اللي منورين المنتدى


هداني الله واياك لما يحب ويرضى


قال أنس بن مالك رضي الله عنه: والله إنكم لتعملون أعمالا هي في أعينكم

أدق من الشعر، كنا نعدها على عهد رسول الله من الموبقات

هذا كان في عصر التابعين

فماذا لو سمعك وانت تتشدق بهذه الكلمات

دي الحرية وانا مالي

بئست الحرية وبئست السلبية التي بلينا بها في زماننا

وخاصة بين شعبنا المصري

والسلام

اولا حلو اوى اخطاء من جعلك مدير

ولو لحظت انا مش قولت انىالوحيد لا فى ناس حلوة اوى بس قليل اوى

ثانيا المنتدى لخدمة جميع الطلاب من جميع جماعات مصر ولكن تحت اهتمام كلية الازهر

ثالثا انا مش بصغر ولا بكبر وشكرا لكلامك بس هقولك فى حديث
عن رسول الله صلى الله علية وسلم (من كان يؤمن بالله واليوم الاخر فليقل خير او ليصمت)صدق رسول الله علية

ما شاء الله

الان تقول حديث عن الرسول

وماذا عن مئات الايات والاحاديث عن الرسول والاقوال من التابعين والصالحين

على الحجاب وصور المتبرجات اللي سايبها في المنتدى

يقول تعالى:"أفتؤمنون ببعض الكتاب وتكفرون ببعض فما جزاء من يفعل ذلك منكم إلا خزي في الحياة الدنيا ويوم القيامة يردون إلى أشد العذاب وما الله بغافل عما تعملون"


على فكرة هذا ليس كلامي إنما هو كلام ربك عزوجل

واخيرا اقول

الاعتراف بالخطأ خير من التمادي في الباطل

شكرا لك يا اكرم

بس انا عاوز اوضح حاجة

احنا مش في معركة الحمدلله

ولا نقصد الى تصيد أخطاء أحد

ولكن لما يكون الخطأ واضح كده

يلزم التنبيه

ويلزم من المعنيين الاستجابة

واشكرك مرة أخرى يا اكرم

يا جامد انت يا جامد

اوك يا جماعة وشكرا ليكم كلكم