سؤال محيرنى و عايز رد بسرعة قبل فوات الاوان

بسم الله الرحمن الرحيم
انا لسة مستجد وكنت عايز ادخل شريعة وقانون قسم شريعة وقانون
ولاكن التنسيق اعطانى شريعة وقانون قسم شريعة اسلامية
عنت عايز احول من شعبة شريعة اسلامية لشعبة شريعة وقانون
بعض الناس فى الجامعة قالو لى ان التحويل من شعبة لشعبة بيكون فى الكلية اللى انت روحتها
وبعض الناس قالو لى ان التحويل بيكون فى المركز الرئيسى بالمدينة الجامعية بمدينة نصر
انا ذهبت للدراسة ( مقر الكلية ) وقالولى ان لسة مافيش اى اوراق جائت لنا للطلاب المستجدين ولو عايز تعمل اى حاجة تعالى بعد عشرة ايام تكون الاوراق جائت (( للعلم بان الدراسة المفروض بدأت ))ز
بعديها علطول روحت لمدينة نصر علشان احول من هناك قولت يمكن يكون التحويل من هناك
لاقيت كل اللى عايز يحول يحول من كلية لكلية
ولاقيت هناك اكثر من الف واحد والطوابير بالضرب بس الحظ معايا كان ماشى عمل الورق فى دقائق كان فية موظف لسة قاعد وماكانش معاه حد فجريت علية وعملتة علطول قبل الشباك ما يزدحم
المهم المفروض بعد كدة انى ادفع الفلوس لاقيت طابور الدفع كبيييييييييييييييييييييييير جدا وبالضرب بردو وقالولى انك هتدفع مئة وعشرون جنيها
وقفت لاقيت الحكاية هطول اوى فمشيت
بس فية معلومة ما معرفتش استفسر عن السؤال بتاعى هناك تعرفة لية
لان كل الموظفين هناك متخرجين من معهد الصم والبكم
لا يسمعون احد تنادى بالساعات علية ومافيش بينك وبينة فرق ولا احد ولاكنه لا يرد عليك ابدا
السؤال مرة اخرى
التحويل من قسم لقسم فى نفس الكلية يكون فى مقر الكلية بالدراسة ولا بيكون فى المركز الرئيسى بمدينة نصر
عفوا على الاطالة والرغى الكتير