عايز تتخلص من قلق الامتحانات

بصوا و انا بادور علي حاجة للقلق اللي انا فيه دا
قلق الامتحانات طبعا ... لقيت التوبيك دا
قلت اجيبه اهو تستفيدوا معايا
عاوزين نشد حيلنا كدا و نفتح كتاب بدل ما نضيع

[ندعوك للتسجيل في المنتدى أو التعريف بنفسك لمعاينة هذه الصورة]

اسيبكم مع الموضوع بقي

××

[ندعوك للتسجيل في المنتدى أو التعريف بنفسك لمعاينة هذه الصورة]

قلق قلق قلق

أوعوا سيبوني أنا قلقان

ما حدش يندهلي ولا يكلمني عشان أنا قلقان

بقوللك ايه… دي أيام امتحانات وأنا قلقان

كل دي عبارات بنسمعها من نفسنا أو من غيرنا أيام الامتحانات…
طلبة كتير جدا بيحسوا بالقلق الشديد أيام الامتحانات

لا شك القلق ليه أكتر من مصدر في الأيام الجميلة دي(ايام الامتحانات طبعا[ندعوك للتسجيل في المنتدى أو التعريف بنفسك لمعاينة هذه الصورة])
لكن أنا المرة دي هتكلم عن مصدر واحد وهو من أكبر المصادر

[ندعوك للتسجيل في المنتدى أو التعريف بنفسك لمعاينة هذه الصورة]

أحب أقدم بمقدمة سريعة

السنة اللي فاتت والحمد لله على كل حال كنت بعيد السنة…
أثناء إعادة السنة دي كنت تعبان نفسيا جدا جدا جدا
عارفين ليه؟

في أثناء حالتي النفسية السيئة دي جربت طرق كتير في علاج الموضوع ده
وبحثت كتير في الموضوع وسألت متخصصين وكل حاجة
وكنت في كل علاج أكتشفه وأطبقه أقول خلاص أنا بقيت كويس
وأقعد يومين تلاتة حالتي النفسية كويسة وبعدين أرجع تاني في الحالة إياها

يعني انت مازلت في حالتك دي؟
لأ والحمد لله

عارفين الموضوع ده اتحل ازاي؟

في أثناء الفترة دي اكتشفت إني أهملت التخطيط والخطط اللي أنا كنت عاملها..
علماء التخطيط بيقولوا إن الشخص اللي عنده رسالة وخطط أقل عرضة للاهتزازات النفسية والعصبية
وده أنا لمسته بنفسي في التجربة اللي قولتلكم عليها

فلما أعلنت عن دورة التخطيط الأولى وبدأت أعد المادة بتاعت الدورة وقفت مع نفسي شوية
وبدأت أعمل الخطط من أول وجديد…
خططت كل حاجة تاني
وبمجرد ما انتهيت من الخطط لقيت نفسي رجعت لحالتي الطبيعية والحمد لله

وهتكلم عن حاجة تخدمنا في فترة الامتحانات

[ندعوك للتسجيل في المنتدى أو التعريف بنفسك لمعاينة هذه الصورة]

التخطيط أو الخطط بتنقسم لتلات أنواع

1- خطط بعيدة المدى … من سنتين لآخر العمر
2- خطط متوسطة المدى … من شهر لسنة
3- خطط قصيرة المدى … يومية وأسبوعية وكده

صحيح ما كملتش كلامي
أنا قولت بعد ما خططت من أول وجديد حالتي النفسية اتحسنت جدا والحمد لله
لكن كان فيه تحدي تاعبني أوي
وهو إني مش عارف أعمل حاجة خالص
يعني مثلا أقعد أقرأ كتاب ألاقي نفسي بتقوللي: المذاكرة… الكلية… شوف نفسك
أقعد على الكمبيوتر شوية ألاقي نفسي بتقوللي: المذاكرة… الكلية… شوف نفسك
أي حاجة أعملها ألاقي نفسي بتقوللي: المذاكرة… الكلية… شوف نفسك

وهكذا
كنت قرفان جدا الحقيقة
مش عارف أعمل حاجة خالص لدرجة إني مش عارف أذاكر حتى……

كده الموضوع شكله هيطول

نكمل المرة الجاية أحسن
ما تخافوش مش هطول عليكم إن شاء الله عشان دي حاجة خاصة بالامتحانات

طب نكمل كلامنا

المهم
قولت إني بعد ما حالتي النفسية اتحسنت والحمد لله لقيت حاجة قارفاني
وهي إني مش عارف أعمل حاجة
كل ما آجي أعمل حاجة ألاقي نفسي قلقان بسبب المذاكرة

[ندعوك للتسجيل في المنتدى أو التعريف بنفسك لمعاينة هذه الصورة]

عارفين الحالة دي عاملة زي ايه؟

أخوك الصغير: يا محمد، تعالى اشرحلي الدرس ده عشان مش فاهم
انت: حاضر يا حبيبي أخلص اللي في إيدي وأشرحلك
أخوك: ماشي

و بعد شوية

وأنت ما خلصتش اللي في إيدك

أخوك الصغير: يا محمد، الدرس
انت: قولت حاضر يا حبيبي
أخوك: حاضر، لما نشوف

وأنت ما خلصتش إللي في إيدك

أخوك الصغير: يا محمد، الدررررررسسسس ، يا ماما محمد مش راضي يشرحلي الدرس
انت: يوووووووه ، يابني سيبني بقى هو أنا ناقصك ، قولتلك لما أخلص اللي في ايدي
أخوك: مليش دعوة، لازم تشرحلي دلوقتي

قومت ضربت الواد يا عيني

قام الوالد جه …

[ندعوك للتسجيل في المنتدى أو التعريف بنفسك لمعاينة هذه الصورة]

أخوك الصغير: يابابا ، محمد مش راضي يشرحلي الدرس
بابا: أنت يا ولد يا محمد، وبعدين معاك، قوم اشرحله الدرس وإلا…..
انت: حححاضر يا بابا

قومت كروتت الواد يا عيني والواد ما فهمش حاجة

أخوك: يابابا ما فهمتش حاجة

طبعا يقوم بابا ضاربك في الآخر …

بعد كده قومت اتعلمت الحاجة اللي هنتعلمها في الموضوع ده فحصل الآتي

أخوك الصغير: محمد، اشرحلي الدرس ده عشان مش فاهمه
انت: حاضر يا حبيبي
أخوك الصغير: تاني؟ يا بابااااا…
انت: لأ لأ خخخلاص خلاص، حاضر، بص .. أنا قدامي بالظبط ساعة وأخلص تعالالي بعد ساعة بالظبط وأنا أشرحلك إن شاء الله

وبعد ساعة وكنت انت خلصت

أخوك الصغير: يا محمد، الدرس
انت: ماشي يا حبيبي تعالى أشرحلك

وقومت شرحت الدرس
وطبعا بابا لما جه انبسط أوي إنك شرحت لأخوك الصغير الدرس وكان راضي عنك

[ندعوك للتسجيل في المنتدى أو التعريف بنفسك لمعاينة هذه الصورة]

في القرن العشرين…

واحد اكتشف نظرية عجيبة جدا…

لما اكتشفها، عدد قليل جدا من العلماء فهموها

النظرية دي قلبت موازين كتيرة جدا اتبنى عليها كلام كتير أوي

أكيد واحد زي ده كان عبقري

يا ترى مين العبقري ده؟

[ندعوك للتسجيل في المنتدى أو التعريف بنفسك لمعاينة هذه الصورة]

ألبرت آينشتاين كان من عبقرياته إنه كان عنده حاجة اسمها دفتر خواطر

ايه دفتر الخواطر ده؟
كان وهو شغال مثلا أو بيقرأ في حاجة كانت بتجيله خواطر ممكن تخليه يسرح زي أي واحد فينا

أي واحد فينا وهو بيذاكر مثلا بتجيله خواطر تخليه يسرح

آينشتاين كان بيعمل ايه بقى؟
كان بيكتب الخواطر دي في دفتر الخواطر
أول ما يجيله خاطرة يقوم كاتبها وبمجرد ما يكتبها الخاطرة دي تروح من دماغه ويرجع للي هو كان بيعمله، وبعد ما يخلص اللي في ايده يروح يشوف الخاطرة دي كانت عايزة منه ايه

عارفين الخاطرة دي عاملة زي ايه؟
زي أخوك الصغير اللي في القصة اللي فاتت بالظبط

الخاطرة بتقعد تزنننن تزنننننن تزننننننن في دماغك
وعشان تتخلص منها لازم تسكتها

طب تسكتها ازاي؟
إنك تكتبها في الدفتر زي ما آينشتاين كان بيعمل

[ندعوك للتسجيل في المنتدى أو التعريف بنفسك لمعاينة هذه الصورة]

ايه جاب الكلام ده في القلق؟
ما هو هو ده القلق

القلق عبارة عن خاطرة بتزن في دماغك بس خاطرة سلبية تخليك ما تعرفش تعمل حاجة وتخليك مذبذب
من الآخر بتبقى قلقان

أخوك الصغير لما قولتله لما أخلص اللي في ايدي عمل ايه؟
راح شوية ورجع تاني عشان تشرحله الدرس
وكل شوية يروح ويرجعلك عشان تشرحله الدرس وانت ما خلصتش اللي في ايدك

طب والحل ايه؟
الحل إنك تعرف هتخلص اللي في ايدك امتى وتقول له إنك هتخلص بعد ساعة مثلا بحيث تكون خلصت وتفضاله

وايه جاب الكلام ده في الامتحانات؟
شوف يا سيدي

المطلوب منك إنك تجيب ورقة وقلم، وتكتب الحاجات اللي باقيالك في المنهج
وتشوف كل حاجة هتاخد منك وقت قد ايه تقريبا
وبعدين تحطها في جدول وتشوف هتعمل ايه على مدار الأيام اللي باقية بالتفصيل لكل يوم من الأيام

وبكدة تكون عاملت القلق نفس معاملة أخوك الصغير بالظبط

وبكده هتلاقي نفسك مرتاح جدا جدا
ببساطة لما حاجة من المذاكرة تقلقك هتقول لها: تعاليلي في معادك يا شاطرة

وطبعا عشان الموضوع ده يتنفذ بالطريقة السليمة وتكون مرتاح نفسيا لازم تكون بتنفذ اللي في الجدول اللي انت عامله وإلا الحاجات دي هترجع تزن في دماغك تاني

طب وبعدين؟

ياترى بابا هيضرب محمد تاني؟

لأ خلاص خلصنا كدة

** يعني م الاخر يا جماعة
ننظم وقتنا و نقول هنذاكر مادة كذا يوم كذا الساعة كذا
تاخد في ايدنا قد ما تاخد المهم ليها يومها و مش تزعجنا قبل كدا

و بالنسبة لاي حاجة هتشغلنا برا المذاكرة
نجيب كشكول صغير كدا و نكتب اى حاجة بتشغلنا في وقت المذاكرة
و لما نخلص مذاكرة نرجع نشوف كنا عاوزين نعمل ايه

تمام كدا [ندعوك للتسجيل في المنتدى أو التعريف بنفسك لمعاينة هذه الصورة]

تمام يارورو جامد

ميرسي بسكوته
نورتي

» حد عايز قلب فاضي
» مزكره الامتحانات
» مذاهب الدكاتره فى وضع اسئله الامتحانات
» الامتحانات عامله معاكم ايه طمنوني؟
» لماذا يرسب الطلاب في الامتحانات ؟??? للطاالب فقط